منوعات
جهاد نوار تكتب : حالة حب
خايفة احبك
تهرب منى
تروح و تسيبنى
خايفة أقرب
يخلص شوقك
تبعد عنى و تدوبنى
خايفة اللحظة
اللى ما بينا
تفوت ف ثوانى
يرجع قلبك طير
متغرب
زى ما جانى
يبعد عنى،
ما يطمنى
و لا يبقالى
خايفة عيونك
تنسى زمانى
تهجر حضنى،
و تنكر وعدك
بعد أمانى
يا للى دخلت حياتى
و فاكر انى حبيبك
قبل ما تبقى ف
حبى مهاجر
طمن طيرك
و اوعى تخلى
ظنونى
تقرب
حاسب تقسى على
مجاريحك
يمكن قلبى فى حبك
خايف من أمشيرك
خايفة احبك تهرب
منى تروح و تسيبنى
و أبقى وحيدة
ف ليلى شهيدة
و تعذبنى
خايفة احبك و الأحلام
تبقى ما بينا عذاب و ألام
تنسى حبيبك بعد ما
تزرع بينا خصام
و تخلينى حالة حب
عنوان ليلك بعد غرام
