أزمه مستحقات الحكام   لأجل مسمى 

بقلم: موسي فريج

انتهت جميع مسابقات الجمهورية بمختلف درجاتها بإستثناء الدوري الممتاز، القسم الثاني، كأس مصر، ونصف نهائي ونهائي كأس الرابطة، والكرة النسائية و مستحقات كأس الرابطة اللي تقدر بمبلغ مليون و200 ألف في نسختها الأولى لم تصرف حتى يومنا هذا، رغم تأكيد رئيس رابطة الأندية أن مستحقات الرابطة سيتم صرفها بعد شهر رمضان ولم يتم صرف اي جنيه.

امابالنسبة للدوري الممتاز فالمستحقات مسددة من قبل أندية الدوري الممتاز كل نادي يسدد مبلغ حوالي مليون و200 ألف مقسمة على دفعتين ورغم ذلك الحكام لم تتقاضى إلا 14 أسبوع فقط من الدوري ونحن حاليا في الأسبوع ال29 وهذا يعني عدم حصول الحكام علي 15 أسبوع.

اما بالنسبة لدوريات الغلابة القسم الثاني فالمصيبة ادهي وامر..فالباقي علي نهاية المسابقة 4 جولات ولم يصرف سوي 3 جولات وهذا للحكام الذين شاركوا فيها غير كدا فيه حكام لم تأخد مليم حتي الان.

أما الاقسام الثالثة والرابعة لميصرف منها إلا الأقلية ا لأن الدوريات بدأت من منتصف نوفمبر٢٠٢٢

الحكام بمختلف الدرجات يعانون بسبب الانتقالات والسفر ويستقطعون من مال بيتهم للصرف علي التحكيم، يعني بدل ما التحكيم يدي لا دا بياخد

والاتحاد فيه فلوس مش مفهوش وأي مسؤل يطلع يقولك مفيش فلوس الحقيقة، أن مستحقات الحكام مدفوعة كاملة من شهر يناير الماضي يعني من أربع شهور.. فما هو السر؟!!!

نفس الأمر ينطبق علي اللجنة الرئيسية لهم ايضا مستحقات متأخرة، وعندما ويطالبوا يقال نصا حاضر قريب، فيه فلوس جاية للاتحاد واخرها كانت قبل مباراه السوبر أن فيه فلوس خلاص هتكون في الاتحاد، دا السوبر التاني جاي ولسه مفيش فلوس جت أي عقل يصدق هذا الكلام

مفيش حق هيجي الا أما صاحب الحق يطالب بيه، وحصلت قبل كدا الحكام المخضرمين طالبوا بأنهم يشاركوا في الدوري الممتاز من أيام الإنجليزي مارك كلاتنبيرج، وبالفعل شاركوا، واخدوا فرصتهم فيه اللي اثبت نفسه وفيه اللي الحظ لم يحالفه

عشان بس أصحاب النوايا السليمة واللي ممكن يحرفوا الكلام علي هواهم دي ببساطة حقوق ناس لو ملهمش حق يطلع حد يقول ملهمش حق، طالما ليهم حق يبقي ليهم حق

و في النهاية أزمة كلنا نتمنى أن تنتهي بأسرع وقت، اللي عليه ديون واللي ليه التزامات واللي ملوش مصدر رزق غير التحكيم، في كل واحد ليه قصته وليه حكايته

تتصرف المستحقات علي خير، نبدأ نتكلم بقا في زيادتها، لانها لاتتناسب إطلاقا مع زيادة الأسعار والارقام الفلكية اللي بقت موجودة دلوقتي.