منوعات
التاكس الأصفر :شعر جيهان النجار
التاكس الأصفر
ورا سور البحر ونقوش القلعه الملبوسة
بكلام وحديت
ومراكب صيدنا المهوسة بالرزق يزيد
فى حضن الثغر عمري ماحسيت ابدا بالخوف ولا خلعة قلب ولا عِند ظروف
التاكس الأصفر
يخطفني ٠٠٠ بسلام وأمان
ياااااا اسكندريه يا ندهاني ما تنادى كمان وكمان وكمان
الشعر يحن ويغزلني أجمل الحان
على شط البحرالمتعافي أسرح وأطوف
وايديا توصل للرمله
تتعطر وتصب حروف
الشعر يتكلم عربي بلهجه صعيدي ويكسرالحرف بنطقه خواجة جيرجي يألف المعني اغاني فن يوناني
يا اسكندرية يا تكويني
اعشق ادوب اعشق تاني
يا كل خطوة بمشيها
فيكي عشقاني
يا حورية
ساحرة وسحراني
على خط الرمل ..بيتمعشق الهوى والشوق
وخلايا حب بتتجدد تنبض وتفوق
ف البعد عنك انا تايهة
والذكري دوشة وشغلاني
اندهي تانى.
