شيماء يوسف تكتب : الوطن سترة
وألف يمين راح أحلفلك
وبابصم ليكِ بالعشرة
بإني يا مصر والسامعين
دايبين فيك على فكرة
وبادعيلك وأقول يا معين
ينصرنا ليوم الدين
ويجعل رملتك خضرا
باوهب لك سنين العمر
علينا الطاعة وانتِ الأمر
وباندهلك كمان بكره
يجي يحوش ظلام ليلك
ياحب مالكني بالفطرة
ف اي زمان على أرضك
محلي الكون جمال عطرك
على محنك كمان صابرة
وباتكحل وباتحنى
بحنة ارضك الطاهرة
ومين عادى ومين يكره
ما بتهميش مشاعرهم
علينا جار كتير غيرهم
وصبحوا ف الزمان ذكرى
وتبقي انتِ رمز خلود
ما دام نيلك هنا موجود
وهما ف التاريخ فترة
محاولة تجد بمحاولة
مخطط له متين جولة
اهدافه يهدم الدولة
قلبنا عليهم الطاولة
وكانوا ف التاريخ عبرة
ولادك أصل حبينك
وتاج الحب لجبينك
بينهم عشق وما بينك
وبيهم ع الدوام حرة
تروح الروح ومصر تعيش
جيشها الشعب وشعب الجيش
وحابين سيرتك العطرة
حكاية حب أسطورة
وبيهم تكمل الصورة
عليهم بس. مقصورة
ولا حد فك دي الشفرة
يا تاج الراس يا محروسة
على خدك متين بوسة
يا شرقية يا عربية
فخورة إني مصرية
وأرض جدودي دي ليا
يا عروسة نيلنا يا سمرة
مالي دا الوجود خيرك
وطاير ف الهوا طيرك
دا عشق السير خطا سيرك
محلياها لو مرة
يا عظيمة يا مصر يا أصيلة
مخلية الجميع عيلة
يشيلوا ف حبك الشيلة
وربي عطاهم القدرة
يا وطنا انت ياغالي
يانسمة جو تحلى لي
تملي ف قلبي وف بالي
بأقولها وصوتي أهو عالي
وحال الكل من حالي
كلام ونعيده مية مرة
تفريط فيكِ مش بأقبل
وعن وطني ولو تسأل
أقولك دا الوطن سترة
بقلم الشاعرة شيماءيوسف
