داليا زردق تكتب :خايف علي نفسي من الهواء

حفضل أحاول مهما حد وقف في طريقي
و مهما كانت الظروف…

حفضل أقاوم كل فكرة عايزة ترجعني الف خطوة لورا و تعيشني في خوف..

حنسي الماضي اللي جرحني و داس علي قلبي كتير و حعيش النهاردة و بس ….

حنسي أي حاجة ممكن تمنعني أكون نفسي
أو تغطي عينيا إني أشوف…

حتحدى كل الدنيا
ما أنا عارف إني ااقدر أكون و حكون..

و عارف إني ماشي صح
و رافض إني أعيش حياتي مسجون.

ما أنا في ملكوت الله و داير فيه بكل براح
و مين يقدر علي حد معه اله الكون..

بطلت أأقول أصل الظروف أصل اللي كان
و عرفت إزاى أكون مالك زمام..

و كفاية كلام إتقال زمان جابنا لورا
و بشر ضيعوا أوقاتنا و اللي باع فينا و إشتري ..

خلاص وقفت أدام كل كلمة لاء عجزتني و هزمتها بقراري و عزيمتي و إنتهي..

مش حرجع تاني لماضي كان بيجلدني
أنا عارف إني فقت و حكون أدها..

أنا قلبي بقي جوه عقلي و عقلي بين إيديا
وحاكم عليه قبضتي و خايف عليه م الهوا