الرئيس : دولة زى مصر عاوزة موازنة على الأقل تريليون دولار علشان ظروفنا الاقتصادية صعبة
كتب عبدالعظيم القاضى
قال الرئيس عبدالفتاح السيسى ان دولة زى مصر عاوزة موازنة على الأقل تريليون دولار علشان ظروفنا الاقتصادية صعبة مع تراكم المشاكل عبر السنوات، معقبا:”لازم الدولة المصرية خلال السنتين ثلاثة اللى جايين تكون دولة تانية”.
وقال خلال المؤتمر الأول لمبادرة حياة كريمة
إنت عاوز 18 تريليون جنيه بشكل مستمر علشان تحل كل المشاكل التى تم طرحها طيب ده ممكن؟، أه بس هايخد وقت، طيب إحنا رايحين ليه أه والله، إن شاء الله بس ها يخد جهد وقت ومن ضمن الوقت والجهد خطة الاصلاح الاقتصادى، ولو كنا ماشيين زى ما احنا كنا ماشيين قبل كده كانت مصر هاتخرب فى نوفمبر 2016، طيب تخرب ليه لأن مكنش معانا فلوس نجيب مستلزمات إنتاج للمصانع، تتراكم العمالة فى الشوارع تحصل ثورة تهد البلد دى”.
ومازح الرئيس، وزير المالية محمد معيط، قائلا: “إنت فيه فائض والعملية ماشية معاك كويس ومنشفها علينا ومغلبنا إدى رقم لمبادرة حياة كريمة، مبنتكلمش فى الحالة دى غير بالمليار.. مش كده، يبقى فيه دعم من الحكومة لمبادرة حياة كريمة”.
