الشاعر عادل شكرى يكتب : جرح الزمن
جرح الزمن. مأخوذة عن رواية سراع بين الامل واليأس.
يا عالم الاسرار. يا خالق الكوني. يا مصبر المحتار يا رب يا عوني
زرعت انا الصبار. اهل الصبر لاموني. وعجبي على مجاريح على جرحي لاموني. ساكن بقلبي جراح. يا ناس دلوني رحت ل اطبه كتير علشان يداوني قالو جراح الزمن. داواه لموني. وعجبي.
وف يوم رماني الهوي. لحد اعتابها. لعب الهوي بيا. خبط على بابها. دقت علي سدرها وقالت بتنده مين. ابتنده علي قلبي يا منية الغلين. صوتك صحي فؤادي خلي جفايا حنين وريني كيف رسمك. باسال على اسمك وقلي ساكن فين.
باصيت على رسمها. واللب طار مني. معقولة دي ف حضنها يطيب الجراح مني. وانا اللي حضن الزمن جافي لاحضاني. انا اسمي جرح الزمن. والقسوة عنواني. وانا اللي بيا حنين ما اعرفش جبته منين. من قسوة الأيام. ولا كتر احزاني.
بصت بنني العين. ف النني وسطاني. وكانت دموع العين. سابقاني ف كلامي. قالت يا نن العين يا ساكن احلامي. انسي جراح الزمن. وتعالي بستاني. بستاني كلو زهور. جمالو رباني وارمي قساوة قلوب وتعالي احضاني وشربت من دمعها وملييت انا كاسي. ورديت على قلبها وكان الجواب قاسي.
انا اللي قاسي ع الزمن ولا الزمن قاسي. كيف انسي جرحي والزمن دايس علي راسي. كيف أدخل البستان. وانا حزني حوليا. كيف اكشف الالوان. والدمع ف عنيا.
وانا من شراب المر مالي الزمن كاسي انا جرحي جرح الحر مجروح في احساسي. دقت علي سدرها وقالت منا عيني. با منية الاحلام. لمن تناديلي. تطرح زهوري انا. يفرح نسيم ليلي. جفت دموع الهني نشفت مناديلي. تعالي عندي الهنا. تعالي اشكيلي.
امسح دموع الضني بلل مناديلي. واكسر كاسات المر واشرب مياه نيلي. وتعالي عندي مر. نور ظلام ليلي
