الاعلامى محمود عوض يكتب : دا عمرو دياب وليس عمرو بن العاص ياولاد الحلال

فى الفترة التى ننتظر سعر رغيف العيش الجديد وموقفة فى قيمة الدعم وموقف البدالين وأصحاب المخابز وغرفة عمليات التموين والجديد فى سعر الرغيف ونصيب الفرد الغلبان أبو اربع عيال واللى ربنا أكرمه وخلفهم قبل الثورات والقرارات والفرمانات كل يوم يخرج علينا الإعلام والمواقع والصفحات بكل ماهو جديد فى عالم اللطافة والخفافة والهيافة مواقف حمو بيكا مع ضابط المرور والغرامة والموقف البطولى للظابط المسؤل فى مواجهة واحد من ١٠٠ مليون مصرى لا يقرأ ولا يكتب ولكن هى الدنيا كدة حظوظ كام اغنية فى فرح أصبح من المشاهير وأصحاب الملايين تفتح له كل الأبواب المغلقة والمتعلقة ولكن حظة الهباب اوقعة فى ظابط ابن حلال حاسس وعارف الدنيا لازم تمشى ازاى

ظابط همام لا بتاع رشوة ولا كلم فلان وعلان من كام يوم شوفنا صورة واحد من الناس بيسجد لله شكرا اية الحكاية عنده حد نجح فى الثانوية وخرج من كمين وزير التعليم واللى غير بطاقة التموين بعد ما شغل تليفونة ورقمة من سنين واللى ربنا شفاه من كورونا يبقى الحمد لله طالع عمرة أو جالة خبر تعيين فى النيابة كلام واشاعات والآخر عرفنا كان بيسجد لية أتصور مع عمرو دياب

والحكاية ان الفنان الجميل عمرو دياب إللى خلى الشعب المصرى منتظر المفاجأة هيرجع تان لبرج الحوت دينا الشربيني بعد فترة اهات وأوجاع وألحان حزينة والا هيحضر اكيد حفل خطوبة ابنتة فى لندن

الموضوع حفلة فى الساحل الشمالى حضر تقريبا ٢٠ الف التذكرة ٤٠٠٠ الاف جنية والله أعلم حضر ٢٠ الف وكان برة عدد مماثل دافعين التيكت واحد من الشباب انتظرة برة وأتصور معاه من فرحته المسكين سجد لله شكر انه اخيرا أتصور مع الهضبة طيب ياراجل ياطيب دا عمرو دياب مش عمرو بن العاص طيب لو كان عمرو بن العاص أو واحد من الصحابة كنت هتعمل اية

والسؤال إللى محيرنى وتعبنى وتعب الغلابة فى قرى المحافظة الناس إللى هتدفع ٤٠٠٠ جنية علشان حفلة عمرو دياب ويمكن صرف اضعاف للسفر والمكان هتفكر فى دعم رغيف العيش ال ٥ ارغفة بربع جنية يا عالم ياهو مش كل الشعب ممكن يحضر حفلة