ولاء حجازى تكتب : الاعتذار

على ايه تقدم الاعتذار
ده القرب ده اسلم قرار
هصبر شوية حبتين
وان زاد عليا الحر نار

هشرب ف قهوة ونسكافيه
واطلب عصير ويا الباتيه
وأسمع اغاني يا معجباني
وده لجل شوق قلبي بداريه

ده العقل ويا القلب طار
ونسيت مرار الانتظار
محلي الفرح ويا اللؤي
من بعد شوقة وانتظار

واقرا كمان بختي معاك
واعشم القلب ب هواك
من شوق ليالي كتير قوي
آن الأوان يحلم معاك

والصبر مهما عليا طال
القلب قال فيك الجمال
مهما يشوف فالقرب نار
فالقرب ده أجمل حلال

شارك المقال