منوعات
اسماء كامل تكتب: عادي
اكيد عادي
ما كل الصنف بيعادي
ووقت الحاجة بيراضي
ومش فاضي
ويخترع ولا الف عتاب
ويفتري وهو الكداب
قفلت الباب!!
براحتك يابني على كيفك
عايش عنتر شايل سيفك
دا مات طيفك
ومات حبك وهو وليد
وربّى فيّا قلب حديد
سحبت الإيد.
وعشت حياتي وبراحتي
بكرة تشوف وانا ف ساحتي
تقول قدتي
ونورتي
ملكة وعرشها عالي
ودنيا حلوة جيّالي
وتحلالي
وتندم باقي ايامك
تعيش والحزن قدامك
ومقامك
من غيري هيبقى ف النازل
دا انا فيّا الدنيا بتغازل
وتترازل
على القلب اللي يشبهلك
دانا القلب اللي بيدلَّك
وبكرة الدنيا
هتضلَّك
