منوعات
بنت السما
(بنت السما )
شعر/شيماء الغيطى
(من ديوان غمض عينيك واحلم بقا)
أنا بنت بطن السما
طير خلقه رب الكون
يفرد جناحى الهوا
ماتهز روحى شجون
وجناحى من حدته
يشبه فولاذ مسنون
نخلى لفوق م السما
وجدورى سابع أرض
بيوضى روحى المطر
ويصلى بيا الفرض
ضهرى في قوة جبل
ماتهدنيش موجه
ولا قصة مش قصتى
ولا رحله معووجه
عشق الحياه دندنه
وأنا دنداناتى روح
طرح الفؤاد وردته
صبحت دوا المجروح
أوتار كمانى عزف
على ضلع من ليلى
مادد جدورى غنا
موصول بمواويلى
ياعمرى ياللى رجع
أنا مش هاموت تانى
أنا روحى رافضه الوجع
انا روحى عاشقانى
