منوعات
اخر العنقود
” اخر العنقود ”
شعر.. مني جلال
طبعا حقه يا ناس يتدلع
اعمل ايه اخر العنقود
رغم شقاوته .. زايدة غلاوته
باعشق أم عيونه السود .
لما ينادي يقول لي يا ماما
بالقى الفرحة ماهيش سيعاني
واسمع كل الكون بيغني
لما يقول كلمة وحشاني
أمور وحليوة ومتعايق
صوته بيشبه صوت الناي
سكر حتى ولو متضايق
انا مش عارفة بجد ازاي !
شاعر طبعا طالع لامه
وبيكتب فصحى وعامية
في الأزجال ولا حد يهمه
شاطر ف كتابة الأغنية
لما مزاجي يكون متعكر
قادر إنه يغير مودي
دمه خفيف أحلى من السكر
هو يا ناس اخر عنقودي .
معروف زي نجوم السيما
حد تشوفه تقول له يا بيه
عيل شيك وعليه القيمة
ولا فيش واحدة بتملى عينيه
عيل حاوي تقول غلباوي
لو تسمع منه الإفيه
سابق سنه ومافيش منه
مهما تلفوا بلاد وبلاد
الله اكبر سموا وصلوا
حصوة ف عين كل الحساد
واد متربي يحميك ربي
روحي وقلبي يا واد يا زياد
