منوعات
المستشار الدكتور على احمد شلوفه يكتب :قلوب الناس
على الفيس بوك يسعدنى
أقول شعرى وموالى
ونحكى عن قلوب الناس
ونتأمل
قلوب الناس على نوعين
قلوب بيضه
بتنسى الظلم وتسامح
تقابلها قلوب سوده
بتدى ضلام ،،، يغطيها ويعميها
يخليها بلا مدخل ولا مخرج
تراضيها تسوق فيها،،، وتتعصب
ومش ممكن ترسيها
وخد بالك
قلوب الناس لو انشعرت
مفيش حاجه تداويها
وفى الحكمه زمان قالوا :
عيوب الناس بتداوى
وللحمقى،،،، (ودول مش ناس)
عيوب يصعب تداويها
وفى الآخر ،،، وصايتى ليك
عشان تكسب قلوب الناس
تصافى كتيير
وتعرف فين حقوق الناس
وتتعامل بريق طيب
وترمى قلبك الأسود
بلاش تقفل وتتعصب.
