هترشح لرئاسة الزمالك.. نجل مرتضي منصور يهاجم لبيب وممدوح عباس.. ماذا قال؟!
كتب- يسري غازي
فجر أمير مرتضي منصور مدير الكرة السابق بنادي الزمالك مفاجأة من العيار الثقيل بشأن ترشيحه لرئاسة النادي الأبيض إلي جانب رؤيته في مجلس إدارة القلعة البيضاء الحالي.
قال أمير مرتضي منصور عبر تصريحات له: هترشح لرئاسة نادي الزمالك وعمري ما هكون أسوء من حسين لبيب ومجلسه الحالي.
تابع: ضحكوا علي الناس و قالوا هنغير الصورة الذهنية هما فعلا غيروها خالص غيروها جدا.
أضاف: مستحيل المجلس دا يتحط وسط مجلس مرتضي منصور والدكتور كمال درويش علي سبيل المثال.
استطرد: أيمن ممدوح عباس يتكلم في الكوره بصفته ايه علشان أبوه مشجع و بيدفع تبرعات ويقول زيزو ياخد زي أي لاعب ما هو بيجري نفس المسافة وبيعمل نفس المجهود ينفع يقول كدا ويضحك الناس علينا وهو بالليل عنده جلسة تفاوض مع اللاعب ووالده.
واصل: ممدوح عباس كان سبب رئيسي في انك كل ما هتكتب العشرية السوداء علي جوجل يظهر لك صورته وشعار الزمالك.
وزاد: أزاي مجلس فيه كل رجال الاعمال دي ومفيش حد عارف ينجح في ملف واحد واللي يقولك كادر اداري واللي يقولك خلفيه ادارية واللي يقولك فكر استثماري.
وأكمل: جايب رئيس نادي يقولك كلام خايب أنا لو في مركب فالخورم هسده و متكبرهاش في دماغي واجيب لاعيبة من الأهلي وكلام بصراحة هو مش قده.
وأردف: ممدوح عباس اتبرع لأحمد حمدي علشان عمليه الرباط الصليبي بس وقفت معاه علي ١٧٠٠ دولار طب دا إزاي داعم للمجلس.
واختتم حديثه قائلا: رايح تتكلم مع لاعب تقوله وقع لي وخد شقه وفيلا طب افرض انت قصرت مع اللاعب وراح الفيفا يشتكي الناس تلاقي الاتفاق علي شقه وفيلا و عربيه دا كلام بالذمة.
