يوسف عبداللطيف يكتب: مرشحو البرلمان في كوكب المريخ المصري

يا جماعة، قبل ما حد يرشح نفسه للبرلمان، لازم يدخل امتحان كفاية وطنية، مش كفاية غشومية.
أسئلة بسيطة كده، على قد الحال:

* ما هو البرلمان؟ (اختياري: مش المول اللي جنب البيت).
* فين موقع مصر الجغرافي؟ (مش بين كافيه “التقارب” ومطعم “الاستقلال الوطني”).
* إيه يعني “ميزانية الدولة”؟ (ومين اللي بياخد منها غير المرتب والمكافأة؟)

* ورؤيتك للسياسة الخارجية؟ (ما تقولش “نتقارب مع اللي يدينا أكتر”).

اللي يجاوب صح، يدخل الانتخابات.
اللي يجاوب غلط، يشتغل في برنامج “اللي فاهم يصوت”.

لكن لا… إحنا عايشين في زمن العجايب،
الكرسي بالنسبالهم مش وسيلة خدمة… ده قطعة أثاث عائلية!
يقولك: “الكرسي بتاعنا… بس المشاكل مش بتاعتنا!”

وياريت لو البرلمان كله يتحول لمول تجاري: “عضو البرلمان — تخفيضات على الوعود الكاذبة 50%، العرض ساري حتى إشعار آخر!”

يوسف عبداللطيف يكتب: مرشحو البرلمان في كوكب المريخ المصري