محسن حسنين يكتب :آخر كلام.. اللهو الخفى وأموال المعاشات..!
بعدما تابعت الإتهامات المتبادلة بين يوسف بطرس غالى وميرفت التلاوى عن المسؤول عن تبديد أموال المعاشات؛ إكتشفت إن اللى إستولى على تلك الأموال بالقرار 272 لسنة 2006 هواللهو الخفى..!
ويبدو أيضا إن نفس اللهو الخفى، بشحمه ولحمه ،هو الذى ضم أموال المعاشات والتأمينات لبنك الإستثمار القومى..وقام بتبديدها بتمويل عجز الموازنة والإستثمار فى البورصة وغيره وغيره.
منه لله اللهو الخفى اللى كلنا مش عارفينه ولا عارفين إسمه ولا حتى رسمه..!!
بالمناسبة.. من حوالى 20سنة؛ وبالتحديد فى يوليو من عام 2006 ؛طالبت بمحاكمة ذلك اللهو الخفى فى عز قوته وذكرته بالأسم ؛وقلت لو أن مواطنا فقيرا سرق رغيف عيش من أبو شلن هايسحبوه من قفاه ويلففوه السبع وعشرين مديرية كعب داير ؛لكن معاليه إستولى بجرة قلم على أموال المعاشات ،وهى أموال خاصة دون أن يحاكمه أو يحاسبه أو حتى يعاتبه أى أحد..!
ة غلطة ومش ندمان عليها..!
عاتبنى أحد قرائى المحترمين قائلا: مش حضرتك طالبت من كذا سنة بعودة يوسف بطرس غالى.. أهو رجع أهوه.. وكان ناقص يقول لى بغيظ: مبسوط ياسيدى..؟!!
صحيح لقد طالبت فى 5 مايو من عام2022 بضرورة الإستعانة به للمساهمة فى إنقاذ الإقتصاد وحل أزمة الديون الداخلية والخارجية المتلتلة.
وقلت إننى لاأرشح “غالى ” علشان سواد عيونه؛ لكن لإنه نجح بتكليف من صندوق النقد فى إنقاذ اليونان من الإفلاس ؛ كما تولى بكفاءة أجندة الإصلاح الإقتصادى فى نيجيريا والنيجر.
وأكدت فى مقال آخر أن هناك من يعترض على “غالى ” بسبب اللى عمله بفلوس المعاشات..لكننا نحتاج الآن لخبرته لمصلحة مصر وشعب مصر التى هى أعلى وأغلى من كل “غالى”..!
قد يكون ماكتبته غلطة فى نظر الكثيرين..لكنها غلطة ومش ندمان عليها..!
مش عارف الناس زعلانة ليه من رئيس الجامعة اللى كرم ممثلة كل إنجازاتها أنها كشفت حتة من لحمها الأبيض المتوسط.. وبيطالبوا بتكريم العلماء..!
علماء مين اللى يتكرموا..؟!
بذمتكم هل يستطيع أى عالم محترم أن يحقق هذا الإنجاز “العبقرى” لممثلتنا النابغة ؛ويكشف لنا ولو حتة بتلاتة تعريفة من لحمه الأبيض المتوسط..؟!
الأفندى ساقط التوجيهية..!
إيه حكاية الأفندى ساقط التوجيهية اللى طايح فى البلد كلها.. ؟!!
مرة يشكك فى أحكام القضاء ومرة يضرب فى الدين ومرة يضرب فى زملائه ..ومن كذا يوم ضرب فى البلد كلها وقال إن كل المصريين متطرفين..!
أموت وأعرف شغلانة هذا الأفندى إيه بالضبط ..؟!أكيد شغلانته زى شغلانة إسماعيل يس على المدفع..شغلانته برورووم..!
محسن حسنين يكتب :آخر كلام.. اللهو الخفى وأموال المعاشات..!
