الشاعرة ماجدة حسين تكتب .. قصيدة “مالكتي”
مالكتي
اصحى من نومى على ريحة عرقك …احن
احن لايدك بتدفينى ……………لما تغطينى
وانا نايم ………………………….فى حلم
احلم بيكى فى بستان ………على نبع جارى
صيامك ………وضوءك………وصلاتك
علمتينى الفرض ………….وفرض الفرض
علمتينى الحب ………………..لكل الخلق
علمتينى احب العلم ………….لاكون انسان
اخذتى بايدى ……………..ماتكونش جبان
ووصلتينى …………………..لبر الامان
لما سبتينى وبتراقبيى ..من بعيد اواجه الحياة
ولما اقع الاقى………….. ايدك ممدودة لى
ياللا جرب كمان…..حتى لو وقعت تانى
ووقفت …………………..ونشف عودى
ازاى ممكن تعودى…انتى عايشة فى كيانى
روحك ……………………بتلازم احلامى
مشتاقة لك ………….زى مانتى مشتاقة لى
الزمن مهما عدا ………………وعدا وعدا
ماانسى ابدا ………….حضن ليكى وبسمة
حب ………………………….بلا مقابل
مثلك امى……………………… لن اقابل
انتظر حضنك ……………..لما اروحلك
ونتقابل فى بستانك …….على نبع عطائك
اللى اتبنى………………. لك فى الجنة
ياااااااااااااه ياامى
ده انتى كنتى لى الجنة
