يوسف عبدالغفار يكتب : مليون تحية لجيشنا الابيض
تحية إجلال وتقدير لجهود كل الأطباء و التمريض ، وكل الأطقم الطبية في مصر، مليون تحية لكل العاملين بوزارة الصحة المصرية ، اهديكم كلماتي تقديرا لدوركم في مواجهة فيروس كورونا .
صباح الخير
ع القلوب الجميلة
اللى تملى
بيصحوا بدرى
ع الشغل دوغرى
من قلبهم الخير بيجرى
نهر يروى
كل محتاج لخدمة
ف العلاج . او مساعدة
ف الحقيقة ناس بجد
مافيش ف الدنيا أحلى
كيان منظم بفكر راقى
ينجز فى شغله
بقلب صافى
وشكل يفرح
إنجاز سريع بقكر واعى
والحقيقة كل المساعى
منهم بتبذل
عشان راحتنا
ناس بجد لو يتحطو
ع الجرح يبرد
حنين قلوبهم
ف القلب ساكن
ولو هنوصف
طيبة قلوبهم والمشاعر
الكل مخلص
ناس بجد
ف القلب تسكن
تعيش فى روحك
تلاقى نفسك
تتمنى تبقى حد منهم
ناس تضحى
وبجهد واصل
ناس أفاضل
بعقل واعى وفكر راقى
لو هنطاوعهم
نقعد معاهم
من كتر ماهم
حلوين زيادة
ربى يعينهم
ويحفظ قلوبهم
ونور عيونهم
هما دول
اللى لينا قدوة
حلم أمه
واعية بشبابها
اللى بجد
قادرين يكونوا
قد المسئولية
يشيلوا على عاتقهم
هم امة محتاجة ليهم
فى ظرف صعب
مش هتلقى
حد ف جمالهم
ورقة طباعهم
فى حسن المقابلة
قد إيه الشكل رائع
فى إنجاز عملهم
سهولة وبساطة
وكلمة حلوة
جمال وجوهم
بأحلى إبتسامة
وحسن مظهر
أى زائر لما ييجى
يزورهم يحس بيهم
بجد شئ بيبهر
من كل قلبى
بأقدم شكرى ليهم
لكل فرد في جيشنا الأبيض
كلمات : يوسف عبدالغفار عضو اللجنة النقابية بشركة الحديد والصلب المصرية
