جوداء بدر تكتب : مين اللى قال

ان السكوت يبقى عادى
مين اللى قال
إن معناه انه مات فيا الأحساس

مين اللى قال
أن جوايا مش مخنوق
ولاجوايا الف صرخة
نفسها تخرج من سجنها بأعلى صوت

مين اللى قال
إن اللى راح مش غالى
ولا سهل وتعوضه الايام

ايوه الصبر جميل
لكن قلبي اصبح ضعيف
وأحزانه مال

نفسى أنسى
نفسى أصحى من نومى
حتى أسمى مش معلوم

آآآآه ياغربة وسط الناس
وكأنى شجرة ملهاش جذور
جدار شكله صلب
لكن من غير أساس

مين قال
أنى قلب قاسى
ده الحجر لو شاف حالى
يتفتت ويبقى تراب

خلى اللي يقول يقول
مافارق معايا كلامهم
ولا واجع فيا ملامهم..

هو مين
فى الزمان ده حاسس بالمواجع.
هو مين
فى الزمان ده فارق معاه حد تانى

خليكم فى حالكم
واتركوني فى حالي

توبه عليا لو فى يوم أشتكي
ولا اجى اقول وأحكي
على وجع من تانى

مين اللى قال..
أنى سكوتى عنكم رضا

ده سكوتى عنكم
عقاب مايعرفه غير اللى يفهم معنى الكلام
وخلص الكلام.