نهی عراقي تكتب : قريت العيون؟

قريت ايه ف العيون

قالت لك انا ع الدنبا بلوم

ليه خذلتني بدل المرة الووف وكل مرة وجع وغيوم

ورحيل وكذب وغدر

وكسرة نفس وهزل

من العزيز المزعوم

قالت لك إيه عن

النكران والجحووود

قريت إيه ف العيون

شوفت فيها شجن وهموم

صرخة من الوجع تطفي نجوم

كل اللي بشوفهم مجرد وشوش وهجر وقسوة وغدر و دموع

دموع تحت الدموع تنزفها الروح اصل الدموع نريف الروح بيها تفضفض وتبوح

روح عريانة من البرد تنوح

روح شاخت زي الورد المجفوف

قريت ايه في العيون

قريت إيه ولا إيه في العيون

قريت أمل ذرعته ما نبت

غير شوك و شوية جروح

قريت إبتسامة من قلب مشروخ

وروح شاخت زي العمر المنهوب

قريت خوف وقلق من المجهول

حياة ملهاش معنی ولا أصول

قريت إيه ف العيون؟

yoast