منوعات
هبة حسن تكتب : لو سألوك
ولو سالوك في يوم عني
قول لهم نص الحقيقة
قول لهم كانت بريئه
كات عيونها جنه دايما
ع المذاهب والطريقة
.
خبي عنهم كل جرحك
خلي دمعك يبقي فرحك
خبي زيفك من ملامحك
حتي لو قلبك حريقه
.
عيش بضحكه لو جريح
حلي كدبك لو صريح
قولهم كانت وفيه
زي مريم والمسيح
.
اوعي تحكي عن شيطاني
لما خنت معاك زماني
اللي ناوى تشتكلهم
هيبيعوك تاني ف ثواني
.
و في رضايا هينصفوني
دول آمالهم طرف لوني
كلهم عاشقين سماري
كلهم طالبين جفوني
دى الحقيقة و دى الحكايه
انت شيء مر في سمايا
لو تفكر يوم ف حقك
تبقي مغلوب في النهايه
