منار محروس طه تكتب : بنخبّي وجعنا وبنداري

بنخبّي وجعنا وبنداري
وبنعشق بايع مش شاري
وبنِوفي ونِخلص وأتاري
اللي بنوفي لُه بيجرحنا
فابنعمل إن إحنا إرتاحنا

وبنرجع ناخُد من روحنا
ونهادي الظالم والجارح
ونعيد المشهد لـ إمبارح
وبننسىٰ ونِمشي وبنكمل
والقلب حقيقي بيتحمل
فا بيجي الخاين يتجمّل
وبيحلف ويقول أهو داب
وأتاري الندل الكدّاب
بيدوس علىٰ روحنا مايرحمنا
والعاشق -فعلاً – لو جانا
يلاقينا حقيقي إتدمرنا
Yoast