نويت الصوم
نويت الصوم
شعر: سلوي العيني
مانيش صايمه عن الحيره
وبتمسي وبتصبح بتصبيره
وبألغي الحب والغيره
وبتوجع وبتأثر بتغيره
ساعات أفرح بتصويره
وأقول يمكن ف يوم أقدر
أغير كل متقدر علي جبيني
ورغم إنى لا بمشي شمال
ولا بيشغلني حب المال
في عقلي سؤال محيرني
مدام ربي مقدرني علي الأوجاع
بأعيش الدور كما المسئول
وبتعشي وبتغدى بجبنه وفول
وأقول عادى
حياتى بعيشها بالمقلوب
وأنا راضي
ساعات أطمع فى ضحكة يدوب
بتفتح قلبي للمكتوب
وخلف الكاميرا بتغندر
ماكنتش مره أتصور
أكون أنا جزء م الكادر
وربك ع المصير قادر
يحرك حظي بين كلاكت
ويفتح الحيطان السد
وأشوف حظي بيتحور
وطعم المر يتغير
وجوع القلب يتنمر
علي الأوضاع
وبالإبداع بكون أشطر
ويشهد حظي بالطاعه
وعمره ف مره ماتعثر
ورغم فظاعة الأحوال
بعيش أحلم بكل حلال
وبرمى همومى خلف جبال
وبركب قارب الأحلام
وأدوس ع اليأس
وأخبط فوق شواشي الشمس
تطبطب لي حروف الهمس
فاتتبرجل غيوم اليأس
تقوم ترحل
ورغم التوهه ف الحيره
مازال في العقل تفكيره
بتغمز لي وأقول عادى
مابين حاضر وبين ماضي
كتير روايات
عن الروقان و حكاياته
وحب زمان وضحكاته
وأقول أصحي بقي وفوقي
قوام روقي وسيبي الحل للرزاق
معدش فراق بيوجعنا
ولا يغير حروف معني
نويت الصوم
