منوعات

هبه حسن تكتب : طلع النهار

2021/05/25 | 06:05:08

وانت يا دوب حرف وعدد وسط الحياه
ممنوع تكون نفسك عشان كتالوج حياتك مش معاك مع ناس كتير بتراضي فيهم والسبب عندك ضمير
الاسم حر في دنيتك بس الحقيقة ف كلمتك مطلوب تكون دايما اسير
وتكون لطيف تمنح سعادة للي ليك
وتموت بجرحك من سكات
الاسم عايش بس حلمك ف الممات
عد الساعات والامنيات
ليهم بدون ما يبان عليك انك تعبت
لو مره ثورت هتلاقي فيك 100 الف رد
يتهموا قلبك بالجحود علشان شكيت
وتكون نهايتك بالبارود ما انت اللي عديت الحدود وقولت نفسك تبقي شيء
ولقيت دموعك ف الطريق تحكي حكاية ذكريات

بتبلغك هتعيش تعيس لا الجرح يقدر ينصفك ولا حتي دمعك بل ريق
عطشك حرام حلمك حرام
خلص الكلام ما تموت بقى وأمسك قرار
خلي حكايتك للزمن
عبره ومزار
والندر يبقي دمعتين
علي لحظه دايما عشتها ف نفسك جبان
خفت عليهم م الزعل ورضيت تكون دايما مهان
غلبان ده كلمه مبهمه والأصل قلبك كان رخيص
بتخاف على الناس كلها علشان حسيس
طب عيش تعيس
ده الموت عروسه مزيفه وانت العريس
مبروك عليك اهلا وسهلا مرحبا
اخرك يا دوب المصطبه
وقت انهيارك بالوجع

2021/05/25 | 06:05:08
زر الذهاب إلى الأعلى