ناصر دويدار يكتب: آدم الوحداني والقدر المخيف

أنا كنت ممكن
أحضن الدنيا بدراعى
وأبقي عكاز للكفيف
والجعان أعمل له من ضلعى رغيف
وأحوى مساكين الشعوب

تحت باطى من…مصيرهم العنيف

أنا كنت ممكن
أبقي نسمه صيف خفيف

وأبقي حب تحت ريش عصفور ضعيف
وأبقي ورد
مطر
ربيع
أبقي فستان من شجر
يكسى أبدان الخريف

بس أبقي إزاى طبيعى

وقلبي بيئن ف ضلوعى

من طراوة النزيف

أنا كنت ممكن

بس إزاى ٱدم الوحدانى

يبنى عش لطيور الوجود
وهو…وحدانى …بيواجه.قدرمخيف!!!!

بقلم: ناصر دويدار