منوعات
شاعرة الريف عبير عبدالسلام تكتب : اليتيم
أى شئ ف الدنيا تاني
ممكن انت تعوضه
إلا حضن أبوك وأمك
عمر يوم ما هتزهده
خدها منى نصيحه واسمع
دعوة امك ليك بتنفع
تلقى ربك راضي عنك
والشيطان يبعد ويرجع
حتى باب الرزق واسع
م القليل والبركه تجمع
إسأل اللى ماشفش أمه
ولاَّ داق عظمة أبوه
راح يقولك هو خايف
إنه في بعادهم يتوه
راح يقولك ع الليالي
اللي ياما عيونه خافت
لما كان النور بيقطع
والقمر كان نوره خافت
اليتيم دا صحيح بيصعب
حتى لو كان أغنى واحد
مهما يعلا ومهما يكبر
ربنا بيه وحده شاهد
Yoast
