صفاء محمود تكتب : امى
امي دي حته مني يامه شافت من عذاب .
عني يامه يامه شالت ايوه شالت اكتئاب.
كنت ليها حاجه جامده
لما تهت ف يوم شلتني
ولسه رجعه وأشد حيلي هي وقعت وسبتني
بس لما بكيت هي جت لي وخدتني ،
لما سبيتني لوحدي تهت ايوه تهت
لما وقعت في حد تايه
ده وداني دنيا تانيه دنيا عيشتها بعذابي والامي
حتي نسيت فيها عنواني ومكاني
وقلت خلاص دي حياتي
وانا هقبل وضعي وزماني
بس فجاه لقيت الغدر
ايوه غدر الناس فيا
تقول مترهنين عليا
طب ليه حرام كله ده في دنيتنا ديا
سألت امي جت قالتلي هيا دي دنيتنا هي. غدر.ظلم .خيانه .وكل الناس مستقويه
قومي يابنتي قومي صلي وخلي ربنا يغفر لي
انا سبتك توهتي ليه وبعدتي فجاه عن اديا ولما لقيتك سبتي ايدي وكنتي بيها مستقويه
بس انا عذراكي من كتر المر عليكي وكتر الاسيه
شكرا ليكي يامي دانتي الا حسيتي بيا اصل انتي كمان مريتي باللي انا فيه واكتر شويه
قلت الأصل مليانه والعذاب بيقطع فيا
انتي يامي حاجه عندي مهما اشرحلك مش كفايه
انتي اغلي حاجه عندي انا بشوفك في خيالي حتي قدامي في المرايا
قلبي يا امي انا بعشق وجودك وبعشق وقفتك معايا
