عاش ابويا

بقلم… مفيدة عيد

ابويا مات
أبويا مات وترك لنا
اللي نتسند عليه
مش فلوس عشان بتضيع
ترك لنا قيم ومباديء
نعيش بها وعليها
تركنا متعلمين وناضجين
وعلي صلاتنا محافظين
ربانا احسن تربيه
ونشوف ربنا في اعمالنا
ربانا نساعد الغير
ونقوم بالواجب لجل ربنا
ربانا مانبص لحاجه غيرنا
ونرضي باللي في ايدينا
وما نقول لحد لا ما دمنا نقدر
خلي عزه نفسنا عاليه
ما نوطي أبدا لحد
ربنا يرحمك يا ابويا
تركت سيره حلوة
الكل يتحاكي بيها
ويحلف بتربيتك لينا
الكل شهد لك وظهر في جنازتك
الكل صلي ودعالك ووصلك لمكانك
وربنا يجعل تعبك في ميزان حسناتك
وأنا مطمنه عليك وماشيه علي نفس خطاك
وربنا يعاملك بإحسانه ويغفر لك ويرحمك
ومعادنا قريب يجمعنا ربنا
في جناته لجل تكمل فرحتنا بلقا ربنا