منوعات
المستشار الدكتور على أحمد شلوفه يكتب :حديث النفس
حديث النفس مش راسى
وغايظنى
بيتغير ويتبدل
ولا بيرحم ولا يواسى
كتير يفضل يبكينى
يسهرنى سواد الليل
مفيش مره يواسينى ويرضينى
وقلبى فى مهب الريح
بيتمرجح
ومش ثابت وبيقاسى
سعات ينسى وينسانى
يحملنى غلط غيرى
صبح بيقول ويجلدنى
بلاش تعتب على غيرك
بلاش تفضل تلوم الناس بتقصيرك
فشلت كتير
وربك جاد وعداها
ستر فشلك واهمالك
وقام واحد ،،، يقول عني انا الفاشل وانا الجاحد ،،، ويخدعهم
خلاص،،، وبقيت انا الفاشل
وانا الجاحد
وانا اللى جريت على غيرى وعليتو
وانا اللى بنيت
وانا اللى زرعت فى الصحرا
غرست الفل والياسمين ورويتو
وسيف العز فى إيدى
وبقيت صفحتى بيضه،،،
طرحت الشوك ونقينو
ياريت واحد يكون صادق
يقول للناس
مين اللى جاد عليه الله على إيدى
وكان فاشل،،، وعاش فاشل
ياريت يا ناس
بلاش نكدب ونتنكر
بلاش يا ناس
