نجوم الفن يدعمون عروس الاسماعيلية: اللي يضرب ست مش راجل
هبة أمين
أبدى عدد من نجوم الفن استياءهم الشديد، من واقعة ضرب عروس الاسماعيلية واعتداء عريسها عليها بالضرب والسب في الشارع، فور خروجها من صالون التجميل، الأمر الذي جعله يتصدر محركات البحث وصفحات التواصل الاجتماعي.
وطالب عدد من صناع الفن، بضرورة تدخل المجلس القومي للمرأة، لحماية السيدات من العنف الأسري، وذلك بعد واقعة عروس الاسماعيلية.
وقالت المخرجة هالة خليل، عبر حسابها بموقع فيسبوك قائلة: العريس بيقول عادي عندنا إني أضرب بنت عمي أو أضرب مراتي، ودي بنت عمي ومراتي، والعروسة قاعدة جنبه وسامعاه، وحياة ربنا أنا عايزة أعيط، عايزة أعمل حاجة ومش عارفة أعمل ايه، يامجلس يا قومي للمرأة، حد سامعنا هناك؟.
واستطردت بقولها: مشهد أكل الحمام ده مشهد مقزز، كل الرجالة بتستعرض بوقاحة قدام الكاميرا وامرأة وحيدة محاطة بذراع وحش وعلى وجهها ابتسامة بلاستيكية تراقب المشهد في صمت ولم يطلب منها أحد أن تعبر عن نفسها ولو بجملة وحيدة، أنا لو بخرج مشهد ذكوري فج مش هييجي على بالي المستوي ده .
وكتب الفنان أسر ياسين، عبر حسابه بـ انستجرام قائلا: جدي كان دائما يقولي، عارف الفرق بين الراجل اللي بصح والراجل الغلط؟، الراجل اللي بصح مرته بتمشي جدامه ويصونها زي الملكة، أما الراجل الغلط هو اللي بيجر مرته وراه زي البهيمة ويمد ايده عليها.
وكتب الفنان محمد علي رزق، قائلا: لا والله عندنا في البندر الرجالة مش بتمد إيديها على ستات، علشان أهالينا ربونا إن إللي يمد إيده على ست يبقى لامؤاخذة وإنت سيد العارفين يا عُبد.
وكتب الفنان محمود عبدالمغني، عبر حسابه بموقع التواصل الاجتماعي فيس بوك قائلا: مين قال إن الصعايدة بيضربوا الستات، الصعايدة رجالة و اللي يمد ايده على ست مش راجل.
