الشاعرة حبيبة متولى تكتب: يُحكي أن .. أن اية؟
يُحكي أن ..
أن اية؟
قلبي مرة اتداس عليه
شال فـ وجعه و عبي المه
شال فـ جرحه ويا قلمه
شاف خطاوي سابقة عُمره
و شاف في عُمره شوط سنين
يُحكي أن ..
أن اية ؟
قلبي كان مخزون حنين
ويا ناس مكنش ليهم
ويا لمّة مكنش منهم
يُحكي أن ..
أن اية ؟
اصبحت شارد للناس بَـدينهم
بالسنين و بالخطاوي
و صِرت غاوي الشعر لمّا ..
شفي قلبي من الجروح
يحكي أن ..
أن اية ؟
اللي معاك فـ حضن قلبك
بكرة يمشي أوام يروح ..
وترجع ساعتها هربان تعيط …
جرح ينزف
جرح يألم
جرح علم من سرد الحكاية
يُحكي أن اللي معايا
شاف حبيب غيري أوام
يُحكي أن ..
اني تمام ، رغم قلبي بقي كدمة دم
يحكي أن و الاهم ..
بكرة تمشي الذكريات ، تحن ليها و متختلفش
يُحكي أن ..
اللي قال ” بحبك ” ساعتها ، هو نفسه اللي مدامش.
