ضيا طحاوي تكتب : اصل الكلام
لما البداية تكون غلط
بلاش وقت القرار تبكي
مش ذنب حد إنه إتولد
في يوم يتيم
ولا القدر صاحب في يوم أسياد
الموت سبيل للكل
ما بتمنعه أمجاد
الصبر بيواسي الهوي
بوحدته وسط الهموم
والعشق يتباهي بغيابه
بأغلي صمت وأغرب سكون
والدنيا دايرة برسمها تتعاجب
والطمع يملا النفوس
والكل يتغالب
والخوف معشش بالقلق
والغدر يتصاحب
في حاجات كتير بحياتتا
لازم تتمحي
كتر الصراع طعم للألم
وحقيقه تداري بمزاج
ساكنه محيط من الندم
ملعونة ضريبة الهوي
مقسوم يا ضهر اللي سند
علي حيطة معجونه بكلام
من حبر طاير في الهوا
بتراب رياح مقصودة
جايه تسكتك
وياها صوت بركان
يدوس علي دنيتك
يكتب عليك تعيش
حياتك بإنتظار
ما بين سكة وجع مجبور
عليها برحلتك
وخطيئة إختيار
تضلل خطوتك
أصل الكلام
لما البداية تكون غلط
بلاش وقت القرار تبكي
كلمات : ضيا طحاوي
