منوعات
جوداء بدر تكتب : جوايا خوف
جوايا خوف مش مكشوف
جوايا حد ماعرفوش
خير وشر نهار وليل
وجع ومر وضحكة تهز الكون
ودمعه جوه العيون مكسورة
وفرحة مسحورة لنور الصبح
وصوت العصافير جوايا حد مش انا اوقات فرحان
أو زعلان
اوقات شايف الدنيا براح
وساعات شايفها أبواب وحطان
اوقات مشغوف على الحب ملهوف
وفى لحظة يبعد يهرب يخاف
جوايا روح مشتاقة
تلاقى نصها التانى
وروح شايفة الوحدة حياتها
والصمت كل الأماني
جوايا خوف مش مكشوف
جوايا حد ماعرفوش
