منوعات
حقد وغيرة
كلمات…. ولاء حجازي
رايحة وجاية بجد معايا
وتقول إيه أحلي نصايح
تضحك ليا ومن جواها
حقد وغيرة وكلام جارح
لا وسواد الدنيا ماليها
وتكلمنى عادى مصالح
طيب يعنى أقول إيه فيها
ياما آمنت وكنت بسامح
خانت عيشي وملحى معاها
ياه ده أنا كنت معاها امبارح
إيه جرى إيه ف الدنيا ياعالم
كل قلوب حوالينا سواد
حاسة الكون ده كأنه مضلم
أسوء حاجة وشر عباد
ياما سكت ولا بتكلم
من جوايا بعدى وأسامح
عايشة أنا فيها بس أتعلم
عمرى ما أرد بكلام جارح
من جوايا أتعب وأتألم
إزاى كله بقي كدة طالح
استكفيت أنا والله أذية
لما بتيجى من أقرب ناس
ولا الناس أصلا مؤذية
موجوع قلبي من الإحساس
بقوا كوكتيل أمراض نفسية
دول بقي فعلا أسوأ ناس
