منار محروس طه تكتب : الم الفقد وهمسة عتاب

من ذاق ألم الفقد يبقى خائفا للابد
جملة قراتها على توتير لمستني جدا..ومين فينا محسش بألم الفقد اذا كان أب، أم ،حبيب، صاحب، أوحتي نفسك، حلمك، كلهم تحت بند الفقد،

الفقد يشعرك انك فى متاهة مكتوف الايدي ، مصدوم من الواقع الذي اصبحت فيه وحيدا ،

فقدان الأب: يعني شعورك بفقدان سندك وضهرك في الدنيا بعد “الله”وخوفك اللي بيزيد لفقدانك للأمان اللي بيسيطر عليك ،

فقدان الأم يعني ضحكتك بتروح منك مفيش حد هيهتم بيك زيها ولا يحبك حبها ولا يخاف عليك زي خوفها..الناس كلها جمبك بتقرب وتهتم بيك ف الاول لكن بعد كدا الطريق كله هتمشيه لوحدك، بتحس انك خلاص مش قادر ومش سامع دوشتهم،

الليل كل يوم يمر عليك بقسوته..حاسس بالوحدة جواك مش حواليك..نفسك تصرخ وتقول ليه سبتوني ،انا ذنبي ايه اني افقدكم ،انا محتاجلكم ارجعولي ولو حتي ف الحلم قابلوني ،

يزيد ألمك بفقدان جديد ،بعدها تتعود وعقلك الباطن يتقبل الألم لحد ما يجئ عليه وقت ويتقبل فكرة الموت بيأس، وتتعلم حينها ان الحياة لا تستمر إلا بالتجاوزات فبتجاوز ندمك وبتتجاوز هزيمتك وحزنك وبتتجاوز غايب بعض الأشخاص أيضاً..

قربوا من كل اللي بتحبوهم عرفوهم بحبكم ليهم ،سيب مشاعرك تتعبر هي مكانك عشان ممكن ف اي لحظة مش تلاقيهم حواليك وتندم وتقول وقتها يارتني ..الحياة قصيرة جدا ومش محتاجة نقصرها احنا بالعتاب والفراق!
Yoast