زى اى عطيل ف قصه
ديدمونته كات بريئه
ضفر الاوهام ف عقله
واكتفى بربع الحقيقه
لما زاد الحمل فوقه
كان شروقه
زى طير مخنوق ف طوقه
زى رحلة قلب حب
ف يوم ما طالشى
عارف انت
يعنى ايه
حب وما طالشى
يعنى روح مصلوبه
فوق كهل المفيش
يعنى نفسك تخنقه
علشان تعيش
يعنى حلم تودعه
ورتوشه شيش
احتمال فوق الاحتمال
لما تغرق دنيتك
طيف ف المحال
دمع عينك تنزفه
من غير سؤال
هوه ايه
جواك يا حضرة؟
خير ؟
فيه ايه؟
دمعتين سخنين
يهدوا الف مارد
زلزلوا الاشواق
ف نبضى
وانت بارد
يابن روحى
ليه تنفض عمرى منك
وانت لضمة روحى فيك
ف المحطه
لسه فيه
قطرين مجوش
قطر عمرى
اللى انقضى
ومعشتهوش
وقطر تانى
لسة جاى
ماتضيعوش .
بقلم…. شيماء الغيطى
