مصطفى عمر يكتب: أبطال ٦ اكتوبر يابشر
اكتوبر مكنتش مجرد حرب
لفك الضيق والكرب
اكتوبر كانت شئ صعب
في ٦٧كتر علينا الضرب
واخدو أرضنا بالغصب
كل الامور كانت محبطة
أفكارنا كانت متشتته
بس بشجاعة مفرطة
بفضل من ربنا .. قدرنا نعلن نصرنا
أكتوبر كانت حرب أكون أو لا اكون
من اجل الكرامة والعزة روحي تهون
الاحتلال الإسرائيلي كان ابشع من السجون
يعني ايه عيلتك مباحة
هو في اكتر بجاحه… أيوه في اكتر بجاحه
الفجور واخد مساحة .. وفي أمور كتير متاحة
والمعاملة بالتناحة .. والوشوش صبها الكلاحة
معدش موجودة السماحة
الكارثة بعد النكسة.. كان لازم ضربة حاسمه
إسرائيل كانت لينا راسمه .. أن مصر عليها قسمه
وإن سيناء تبقى ليهم .. اصل سيناء بين ايديهم
في السويس برليف حاميهم
ميعرفوش أن احنا ممكن .. بالعزيمة ندوس عليهم
وان مصر دولة جامده .. والتاريخ يشهد عليهم
أبطال ٦اكتوبر يابشر .. اللي فيهم مات شهيد
واللي كمل الحرب وعبر
حررتو سيناء بدمكم وطردتم الغجر
بركان غضب فجأة انفجر
خط برليف المنيع .. كان شئ فظيع
قالو اللي هيقرب يضيع
ويحط نفسه في الخطر
مهمكوش كل الكلام اللي انتشر
بعد التعب وبعد السهر
حطينا خطة مش في بال كل البشر
عبرنا بيها عن وجودنا
أحزروا غضب اسودنا
لو حد قرب من حدودنا
يعرف أن الموت حضر
والخطة نجحت وببراعة
جات رسالة في الإذاعة
إن الجيش عدا و عبر
ياسلام عليك يا دي الخبر
الجيش المصري اهو انتصر
أبطال ٦اكتوبر …..
الشكر ليكم مش كفاية .. انتوا أبطال الحكاية
رفعتم راية الانتصار .. أكتوبر كانت رد اعتبار
اكتوبر كانت تشبه لطار .. أكتوبر عملية إنتحار
يسلم اللي حط الخطه واخد القرار
وبدون سابق انذار .. فتحنا النار . ومفيش هزار
عرفناهم مين هي مصر .. في نهاية المشوار
وإن احنا شعب منقبلش أبداً غير إننا نكون احرار.
